“Big Mac indeksi” hesab edir ki, rubl dünyanın ən dəyərsiz valyutasıdır

“The Economist” jurnalının dərc etdiyi “Böyük Mak İndeksi”nə əsasən, Rusiya rublu dünyanın ən dəyərsiz valyutaları siyahısında sonuncu yeri tutub. Xatırladaq ki, “Big Mac İndeksi” eyni malların bütün dünya ölkələrində eyni qiymətə çıxmalı olduğu fərziyyəsinə əsaslanır və əgər bunun əksi baş versə, yerli valyuta ya aşağı düşəcək, ya da əksinə, həddən artıq qiymətlənəcək.
Belə ki, indi ABŞ-da bir burgerin qiyməti 5,81 dollardır (təxminən 444 rubl), Rusiyada isə bunun üçün 135 rubl (1,77 dollar) ödəməli olacaqsınız. Reytinqin müəllifləri hesab edirlər ki, indi Rusiya valyutası 70 faiz dəyərsizləşib və onun ən doğru məzənnəsi bir dollar üçün 23,24 rubl olmalıdır.
2021-ci ildə rubl ən çox dəyərsizləşən valyutalar siyahısında sonuncu yeri tutdu. Bu il bu mövqedə türk lirəsi dayanır. Mütəxəssislər İsveçrə frankı və Norveç kronasının ən dəyərli valyutaolduğunu düşünürlər.